MSC Ukrayna və Türkiyə arasında reyslərə başlayır

Dünyanın ən böyük konteyner daşıyan şirkəti olan “Mediterranean Shipping Company” (MSC) Ukrayna ilə Türkiyə arasında dəniz səfərlərinə başlayıb. İlk konteyner gəmisi 2024-cü il iyulun 9-da Odessa limanına daxil olub.

Logistik.az xəbər verir ki, verilən açıqlamada Rusiyanın 24 fevral 2022-ci ildə Ukraynaya qarşı başlatdığı hücumlardan sonra ilk konteyner gəmisinin Odessa limanına daxil olduğu vurğulanaraq, “700 TEU tutumlu “Levante F” konteyner fider gəmisi ilə Tekirdağ-Odessa üzrə səfərlər təşkil ediləcək.

Təcili xəbərlər üçün bizi Telegram kanalından izlə

Verilən açıqlamada eyni zamanda bu inkişafın digər dəniz daşıyıcıları üçün də nümunə olacağı ifadə edilib və aşağıdakı ifadələr yer alıb: “Ümid edirik ki, bu, Ukrayna iqtisadiyyatını birləşdirən və bütün dünya ilə ticarəti artırmaq üçün xidmətlərini yeniləyən tendensiyanı davam etdirəcək digər qlobal daşıyıcılara nümunə olacaq”.