“Silk Way West Airlines” MMC-nin gəliri və xalis mənfəəti kəskin azalıb

“Silk Vey Vest Aviaşirkəti” MMC 2023-cü ili 82 milyon 54 min manat xalis mənfəət ilə başa vurub. Şirkət 2022-ci ili 939 milyon 878 min manat xalis mənfəət ilə bağlamışdı. Beləliklə, ötən il “Silk Vey Vest Aviaşirkəti”nin xalis mənfəəti 91,3% (11,5 dəfə) azalıb. Xalis mənfəətin azalması aviaşirkətin gəlirinin kəskin azalması ilə əlaqədardır.

“Silk Vey Vest Aviaşirkəti”nin əsas əməliyyat gəliri 2022-ci ildə 3 milyard 225 miylon 6 min manat ikən, 2023-cü ildə 1 milyard 913, milyon 124 min manata düşüb (1 milyard 311 milyon 882 min manat və ya 40,7% azalıb).

Ötən il “Silk Vey Vest Aviaşirkəti”ni digər gəlirlər daxil cəmi gəlirləri 2 milyard 16 milyon 366 min manat olub.

31 dekabr 2023-cü il tarixində “Silk Vey Vest Aviaşirkəti” 3 milyard 40 milyon manat cəmi aktivlərə malik olub. Şirkət 2022-ci ilin sonunda 2 milyard 680 milyon manat cəmi aktivlərə malik idi.